Տպել
«Ցանկացած քաղաքի դիմագիծը զբոսաշրջիկների համար առավել գրավիչ դարձնելու առումով շատ կարևոր են նաև քաղաքային փոքր միջավայրերը:
Կրակովի կենտրոնի ահա այս Փոքր Շուկայի հրապարակը ձևավորվել է դեռևս 13-րդ դարում, իսկ շուկան քաղաքի բնակիչների համար գործել է ընդհուպ մինչև 20-րդ դարի սկիզբը։ Հրապարակի վերջին վերակառուցումը իրականացվեց տասը տարի առաջ՝ հիմա այստեղ գարնանից սկսած մինչև աշուն գործում են բացօթյա սրճարաններ, ինչպես նաև անց են կացվում համերգներ:
Նմանատիպ պատմական ոչ մեծ հրապարակներ կգտնեք եվրոպական շատ քաղաքներում` քանի որ Եվրոպայում ամենուրեք հարգում և պահպանում են իրենց պատմական արժեքներն ու հին հուշարձանները, այլ ոչ թե հիմնահատակ ավերում կամ անխոհեմ կերպով այլակերպում են դրանք»,- Ֆեյսբուքի իր էջում գրել է Ռուբեն Շուխյանը:
