Ավազակային հարձակում Կոտայքի մարզում. 2 դիմակավորված դանակի սպառնալիքի տակ թալանել են 83-ամյա տատիկին. shamshyan.com
Advertisement 1000 x 90

Ավազակային հարձակում Կոտայքի մարզում. 2 դիմակավորված դանակի սպառնալիքի տակ թալանել են 83-ամյա տատիկին. shamshyan.com

Երեկ՝ հունվարի 4-ին, ավազակային հարձակում է տեղի ունեցել Կոտայքի մարզում: Ժամը 22:50-ի սահմաններում ոստիկանության Հրազդանի բաժին ահազանգ է ստացվել, որ Մեղրաձոր գյուղի 3-րդ փողոցի 14-րդ նրբանցքի տներից մեկում 83-ամյա տատիկի նկատմամբ ավազակային հարձակում է տեղի ունեցել:

Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել ոստիկանության Կոտայքի մարզային վարչության պետ, ոստիկանության գնդապետ Արամ Հովհաննիսյանը, ոստիկանության Հրազդանի բաժնի պետ Վաղինակ Ավետիսյանը և Հայաստանի քննչական կոմիտեի Կոտայքի մարզային քննչական վարչության պետ, արդարադատության գնդապետ Մհեր Վարդանյանը:

Ֆոտոլրագրողի տեղեկություններով, ժամանել են նաև շնավարժներ:

Ոստիկաններն ու քննիչները պարզել են, որ նույն օրը, ժամը 22:00-ի սահմաններում 2 դիմակավորված անձինք մուտք են գործել 83-ամյա Վարսիկ Մանուկյանի տուն և դանակի սպառնալիքի տակ հափշտակել գումար, ոսկյա և արծաթյա զարդեր, այնուհետև ճիվաղները դիմել են փախուստի:

Փաստի առթիվ տեղում քննչական աշխատանքները ղեկավարող Կոտայքի մարզային քննչական վարչության քննիչ Աբրահամյանի որոշմամբ ավազակային հարձակում կատարելու հատկանիշներով հարուցվել է քրեական գործ:

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական քննչական համատեղ գործողություններ՝ հանցագործությունը բացահայտելու, կատարողներին և գողոնը հայտնաբերելու ուղղությամբ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

shamshyan.com