Գիտնականները գրանցել են Տիեզերքի խորքերից բխող միստիկ ռադիոազդանշաններ

Կանադայի աստղադիտակի գրանցած տարօրինակ ազդանշանները գիտնականները կարողացել են վերծանել, հունվարի 9-ին, հայտնել է BBC-ն: Գրանցված ռադիոալիքների ճշգրիտ բնույթը և ծագումն անհայտ են:

Հայտնի 13 արագ FRB ռադիոազդանշաններում կար շատ անսովոր կրկնվող ազդանշան, որը նույն աղբյուրից էր և գտնվում էր 1.5 միլիարդ լուսատարի հեռավորության վրա:

Նախկինում նման իրադարձության մասին տեղեկացել են միայն մեկ ալեհավաքի միջոցով:

Բրիտանական Կոլումբիայի համալսարանի աստղաֆիզիկոս Ինգրիդ Սթրեյսի կարծիքով, եթե պարզվում է, որ նման ալիքը միակը չէ, խնդիրը լրջանում է և առավելագույնս կարևորվում: «Շնորհիվ մեծ թվով վերահաղորդիչ կայանների և աղբյուրների մենք կարող ենք բացահայտել ալիքների բնույթը»,- ասում է նա:

CHIME դիտակայանը, որը նույնպես գտնվում է Բրիտանական Կոլումբիայում (Կանադա), միանգամից կարողացել է գրանցել 13 ռադիոպարպում: Հետազոտությունն արդեն հրապարակվել է Nature ամսագրում:

«Մենք հայտնաբերել ենք երկրորդ վերահաղորդիչը, որի հատկությունները շատ նման են առաջինին»,- ասում է Շրիխարշ Տենդուլկարը՝ Մաքգիլի համալսարանից (Կանադա): – «Սա վերահաղորդիչների հատկություն է, որը նմանվում է բնակչության պես մի բանի»:

Նշենք, որ FRB ռադիոազդանշանները կարճ ալիքային պարպումներ են, որոնք ասես «անցել և հատել են Տիեզերքի կեսը»:

bbc.com

Հրապարակման պատրաստեց Պողոս Վարժապետյանը