YouTube-ի աշխատանքում խափանում է տեղի ունեցել
Advertisement 1000 x 90

YouTube-ի աշխատանքում խափանում է տեղի ունեցել

YouTube առցանց տեսահոստինգի օգտատերերն ամբողջ աշխարհում հայտնում են փետրվարի 1-ին ծառայության աշխատանքում տեղ գտած խափանման մասին, ինչը վկայում են Downdetector ծառայության տվյալները, որը հետեւում է ժողովրդականություն վայելող ինտերնետ-ռեսուրսների աշխատանքին:

Խափանման վերաբերյալ հաղորդումներն սկսել են ստացվել Երեւանի ժամանակով ժամը 05:38-ին: Ավելի հաճախ ծառայության օգտատերերը գանգատվում են տեսանյութերի հաղորդման հետ կապված խնդիրներից, 28 տոկոսը դժգոհել է կայքի ոչ կոռեկտ աշխատանքից, ևս 11 տոկոսը չեն կարողանում մտնել իրենց օգտահաշիվներ:

Ծառայության աշխատանքում խնդիրներ են դիտվում ամբողջ աշխարհում, այդ թվում՝ Ռուսաստանում, ԱՄՆ-ում, Ուկրաինայում, Գերմանիայում, Ֆրանսիայում, Մեծ Բրիտանիայում, Ճապոնիայում և Բրազիլիայում: