Տպել
Հայաստանի Հանրապետության գիտությունների ազգային ակադեմիայի նախագահության նիստում Փիլիսոփայության, սոցիոլոգիայի և իրավունքի ինստիտուտի տնօրենի պաշտոնում միաձայն ընտրվել է իրավաբանական գիտությունների թեկնածու Լիլիթ Ղազանչյանը: Այս մասին հայտնեցին ՀՀ ԳԱԱ տեղեկատվական-վերլուծական ծառայությունից:
Լիլիթ Ղազանչյանը ծնվել է 1982թ-ին` Երևանում: 2008թ-ին ավարտել է Հայաստանում ֆրանսիական համալսարանի մագիստրատուրան, մասնագիտացումը` իրավագիտություն: 2015թ-ին ստացել է իրավագիտության թեկնածուի գիտական աստիճան:
Լիլիթ Ղազանչյանը 3 մենագրության, 27 գիտական հոդվածի հեղինակ է: Նա Հայ-ռուսական համալսարանի 063 Իրավագիտության մասնագիտական խորհրդի անդամ է, ինչպես նաև «Юридический факт» научный юридический журнал (ՌԴ ) ամսագրի խմբագրական խորհրդի անդամ է:
