Տպել
Երեկ՝ փետրվարի 7-ին, ՀՀ ոստիկանության պետ Վալերիյ Օսիպյանի հրամանով ոստիկանության գնդապետ Արթուր Մկրտչյանը նշանակվել է Վանաձոր քաղաքի ոստիկանության Բազումի բաժնի պետ։
Ինչպես հայտնում է ֆոտոլրագրող Գագիկ Շամշյանը, վերջինս ոստիկանության երկար տարիների աշխատակից է եղել, ղեկավարել է մի քանի ոստիկանության բաժիններ և ոստիկանության համակարգում համարվում է իր գործի գիտակ, ոստիկանների լեզվով ասած՝ ուժեղ օպերատիվնիկ է, և իր ղեկավարած բաժինների վարչական տարածքում տիրապետել է օպերատիվ իրավիճակին։
Նրա ղեկավարությամբ բացահայտվել են բազմաթիվ աղմկահարույց հանցագործություններ, այդ թվում՝ ավազակային հարձակումներ, կողոպուտներ, սպանության և սպանության փորձերի դեպքեր և, որ ամենակարևորն է, կանխվել են բազմաթիվ աղմկահարույց հանցագործություններ։
Վանաձորցիները, իմանալով, որ ով է նշանակվել ոստիկանության Բազումի բաժնի պետ, SHAMSHYAN.com-ի թղթակցի հետ զրույցում ասում էին. «Վստահ ենք, որ Վ.. Օսիպյանի կատարած հերթական կադրային նշանակումը օգուտ կբերի բնակիչներիս, քանի որ գիտենք, թե ինչ ճանապարհ է անցել Ա. Մկրտչյանը, ու նա հաստատ ոստիկանության Լոռու մարզային վարչության պետ Արամ Ղազարյանի հետ կշարունակի ծառայել ի շահ մարզի բնակչության անվտանգության պահպանման ու հաստատ անցյալում կմնա վանաձորցիներիս համար արդեն սովորական դարձած հայտնի արտահայտությունը, այն է՝ «Վանաձորը դառել է Սիցիլիա»»։
