Տպել
Samsung-ը սկսել է 1 ТБ հիշողությամբ բջջային մոդուլների թողարկումը: MicroSD-քարտերն այլևս անհրաժեշտ չեն լինի, քանի որ 1 տերաբայթում հնարավոր է պահպանել այն ամենը, ինչ անհրաժեշտ է սմարթֆոնին, և դեռ ունենալ հսկայական ազատ տարածություն:
Հիշողության նոր քարտերը կարող են հայտնվել արդեն իսկ առաջիկա սմարթֆոններում:
Ընկերությունն օգտագործում է Universal Flash Storage (eUFS) անունը ստացած տեխնոլոգիան նոր սմարթֆոններում, այդ թվում՝ Galaxy S10-ում, որի անոնսը կլինի փետրվարի 20-ին:
UFS տիպի հիշողության քարտերն ունեն երկու անգամ ավելի արագություն, քան SSD-ները: Սակայն, քարտերի չափսերը չեն տարբերվի, հետևաբար՝ սմարթֆոնները չեն դառնա ավելի հաստ:
Samsung-ը հավաստիացնում է, որ հիշողության նոր քարտերում հնարավոր կլինի պահպանել 260 10 րոպեանոց տեսանյութեր՝ 4K ձևաչափով:
Նոր քարտերի հիշողությունը կլինի այնքան մեծ, որ դրանցում հնարավոր կլինի պահպանել, օրինակ՝
- Marvel-ի 7000 կոմիքս
- «Գահերի խաղի» հեռուստասերիալի 5 եթերաշրջան՝ 4K ձևաչափով
- 7 միլիոն գիրք՝ FB2 ձևաչափով
- The Rolling Stones-ի 10 սկավառակներ՝ FLAC ձևաչափով
Սիրարփի Աղաբաբյան
