Տպել
Երևանի կենդանաբանական այգու կառավարումն ավելի արդյունավետ և թափանցիկ իրականացնելու նպատակով կստեղծվի կոլեգիալ կառավարման մարմին` խորհուրդ: Փետրվարի 12-ին հրավիրված նիստում նման որոշում կայացրեցին Երևանի ավագանու անդամները;
Երևանի քաղաքապետարանի աշխատակազմի մշակույթի վարչության պետի ժամանակավոր պաշտոնակատար Գոշ Սարգսյանը նշեց, որ խորհուրդը բաղկացած է լինելու 11 անդամից, որոնցից 2-ը լինելու են Երևանի կենդանաբանական այգու աշխատակիցներ, մյուս 9-ը` ֆիզիկական անձինք:
«Կլինի բաց հայտարարություն: Խորհրդի կազմում ընդգրկվելու են այն մարդիկ, ովքեր կարող են իրենց ներդրումը բերել Երևանի կենդանաբանական այգու շահերի համար: Խորհրդի անդամներին նշանակելու է Երևանի քաղաքապետը»,- ասաց նա:
