Տպել
Լրագրող Մարինա Բաղդագյուլյանի ֆեյսբուքյան գրառումը. «Այսօր «Սիթի» սուպերմարկետում տոպրակը, որ աշխատակցուհին լավ չէր փակվել, կասայի մոտ բացվեց, ու եգիպտացորենի հատիկները շրմփացին հատակով մեկ: Սիթիի աշխատակիցը պնդում է, որ ես պիտի վճարեմ թափվածի դիմաց: Ես էլ պնդում եմ, որ սպառողը չպիտի վճարի մի բանի համար, որ տուն չի տանում, որ այլևս ապրանք չէ, այլ` աղբ: Եթե ես հաստատակամ չխոսեի, հաստատ ստիպելու էին վճարել: Այսինքն, ես այսօր իրացրի սպառողի իմ իրավունքները բավական անհարմար մթնոլորտում և հոգնած, նյարդային դուրս եկա տարածքից:
Վերջերս նորընտիր իշխանության երկու ներկայացուցիչներ հաղորդման շրջանակներում խոսում էին այն մասին, որ քաղաքացիները պարտավոր են պաշտպանել և իրացնել իրենց իրավունքները: Իբր այդպես մարդու իրավունքների իրացման դաշտ է բացվում: Ի վերջո, հանրույթը կրթվում է և այլն: Ես այսօր դա արեցի: Բայց համոզված չեմ, որ այդ նույն աշխատակիցը չի ստիպի մի ծեր ու անպաշտպան, ջահել, բայց խեղճուկրակ սպառողի վճարել մի բանի համար, որ հեչ պարտավոր չէ անել: Քանի-քանի անգամ այդ աշխատակցի հետ բախում պիտի լինի, որպեսզի քաղաքացու իրավունքների իրացումը սուր դանակով կարագ կտրելու էֆեկտն ունենա: Դեռ որքան ժամանակ: Ինչերի գնով»:
