Տպել
Հեռու մնալով ավարտուն «ճշմարտություններ» բարձրաձայնելու գայթակղությունից, հանդես եմ գալիս կոնկրետ առաջարկով, որը մեծապես կօգնի ազատվել մարտիմեկյան խարանից ու կբացառի ապագայում դրա հնարավոր կրկնությունը:
Եթե ցանկանում ենք հարգանքի տուրք մատուցել մարտի 1-ի զոհերի հիշատակին ու ինչ-որ կերպ փարատել նրանց հարազատների ցավը, ուրեմն բարի լինենք հանդես գալ Սաշիկ Սարգսյանի կողմից «նվիրաբերված» 18.5 միլիոնից երկու միլիոն գումար այդ մարդկանց ընտանիքներին փոխանցելու առաջարկի օգտին:
Դրանից զատ հանդես եմ գալիս նաև մարտիմեկյան զոհերի հիշատակը հավերժացնող հուշահամալիր կառուցելու օգտին (ինչի համար թերևս պահանջվի կես միլիոն դոլարի չափ գումար): Երրորդ առաջարկը վերաբերում է իշխանությունների վարած քաղաքականության պատճառով կյանքից զրկված կամ քաղբանտարկյալ դարձած մարդկանց, նրանց ընտանիքների աջակցությանը միտված հիմնադրամ ստեղծելու օգտին` այդ նպատակին ծառայեցնելով մնացած 16 միլիոն գումարը: Սա կարևոր է մի շարք առումներով:
Համապատասխան միջոցների ու աջակցության բացակայությունն է իշխանության լծակների տիրապետող մարդկանց հնարավորություն տալիս գնալ ռեպրեսիվ գործողությունների, որի նպատակը իր և երկրի ազատության, ու իրավունքների համար պայքարող քաղաքացուն խեղդելն է:
Ստեղծվելիք հիմնադրամը զսպաշապիկ կարող է հանդիսանալ ցանկացած իշխանության համար, լինի դա այսօրվա, թե վաղվա`քաղաքացու ծնունդը կասեցնող իշխանությունը…
Արման Երեմյանի գրառումներից:
