Նիկոլ Փաշինյանին ասուլիսի ընթացքում սատարող կեղծ օգտահաշիվները

16:29 2019-03-21

AntiFake.am-ի ֆեյսբուքյան հրապարակումը.

Այսօր` մարտի 19-ին, Նիկոլ Փաշինյանը Մատենադարանի շենքում ասուլիս էր հրավիրել, որտեղ պատասխանում էր լրագրողների հարցերին: Եվ ինչպես նախկինում, այսօր էլ վարչապետի ուղիղ եթերում «ֆեյքային հրավառություն» էր:

Antifake.am-ը ուղիղ եթերի ընթացքում սկսեց կեղծ օգտահաշիվների մոնիթորինգը, որի արդյունքները ներկայացնում ենք 2 կատեգորիայով.

1. Նիկոլ Փաշինյանի ասուլիսի ֆեյսբուքյան ուղիղ հեռարձակման տեսանյութը հավանած (Լike) կեղծ օգտահաշիվներ,

2. Նույն տեսանյութին մեկնաբանություն թողած կեղծ օգտահաշիվներ։

Եվ այսպես. Նիկոլ Փաշինյանի ասուլիսի ընթացքում ուղիղ եթերի տեսանյութը կազմակերպված ձևով հավանել են մի քանի հարյուր կեղծ օգտահաշիվներ:

Վերջիններիս գործողությունները նպատակ ունեն հանրային բարձր աջակցության շղարշ ստեղծել սոցիալական տիրույթում, ինչպես նաև արհեստական ձևով պահպանել Նիկոլ Փաշինյանի նախկինում ունեցած ժողորդականությունը:

Ինչ վերաբերվում է մեկնաբանություններ թողած կեղծ օգտահաշիվներին, ապա մոնիթորինգը ցույց տվեց, որ դրանք աշխատում են մի քանի ուղղություններով.

– կեղծ օգտատերերի գերակշիռ մեծամասնությունը իրենց աջակցությունն ու սերն էին հայտնում իրենց սիրելի վարչապետին,

– որոշները ցանկանում էին Արցախը միացնել Հայաստանին,

– որոշներն էլ բարևներ էին ուղարկում և սիրո խոստովանություն անում Աննա Հակոբյանին,

– վարչապետին սատարող կեղծ օգտատերերը հայհոյում և վիրավորում էին այն իրական և կեղծ օգտատերերին, որոնք քննադատական մեկնաբանություններ ին թողնում, ինչպես նաև կշտամբում էին մյուս կեղծ օգտատերերին կեղծ օգտատեր լինելու համար,

– կեղծ օգտահաշիվների մեծ մասն էլ վիրավորում, հայհոյում և անիծում էր հարցեր տվող լրագրողներին:

Մենք առանձնացրել ենք միայն այն կեղծ օգտահաշիվները, որոնք մոտ 4 ժամ տևած ասուլիսի ողջ ընթացքում մի քանի վայրկյան պարբերականությամբ անընդհատ թողնում էին Նիկոլ Փաշինյանին սատարող մեկնաբանություններ, օրինակ, Rv Rv օգտատերը անընդհատ գրում էր՝ «SATAREK VARCHAPETIN»:
Ստորև ներկայացնում ենք մեկնաբանություն թողած 46, և ուղիղ եթերի գրառումը հավանած 70 կեղծ օգտահաշիվ:
Կեղծ օգտահաշիվների և դրանց թողած մեկնաբանությունների մի մասը ներկայացված են նկարներում, իսկ մյուս մասը կարող եք գտնել անցնելով այս հղումով՝ https://drive.google.com/open… :

Օգտահաշիվների մշակումը շարունակվում է։ Կցված ֆայլը պարբերաբար կթարմացվի։

Հ.գ. ԿԵղծ օգտահաշիվներն առանձնացնելիս հաշվի են առնվել օգտահաշիվները կեղծերի շարքին դասակարգելու ֆեյսբուքի ընդունած չափանիշները։ Սակայն եթե ցուցակում առկա են իրական օգտատերերի տվյալներ, խնդրում ենք դիմել մեզ օգտահաշիվները նույնականացնելու և դրանք հեռացնելու համար։

Տեսանյութին մեկնաբանություն թողած կեղծ օգտահաշիվներ

Նիկոլ Փաշինյանին ասուլիսի ընթացքում սատարող կեղծ օգտահաշիվները

Նման նյութեր