Տպել
ԳԽ և ԱԺ նախկին պատգամավոր Երջանիկ Աբգարյանը ֆեյսբուքյան իր էջում գրել է.
«Թրամփն ԱՄՆ-ի նախագահ դարձավ հրեա միլիարդատերների միջոցով: Այդուհետև նա պարտք է վճարում Իսրայելին: Երուսաղեմը հայտարարեց Իսրայելի մայրաքաղաք՝ թուլացնելով ԱՄՆ-ի կապերը արաբական և մուսուլմանական աշխարհի հետ, ԱՄՆ-ի շահերին հակառակ և ի շահ Իսրայելի հիմնավորապես և ծայրահեղորեն բարդացրեց հարաբերություններն Իրանի հետ, միաժամանակ նրան ստիպելով ինչ-որ կերպ մերձենալ Ռուսաստանին, այս օրերին էլ Թրամփը հայտարարում է սիրիական Գոլանի բարձրունքները միջազգայնորեն Իսրայելին հանձնելու մասին, որով հարվածում է Սիրիայի ժողորդավարական ուժերի թիկունքին, ինչպես արդեն արել էր մի անգամ՝ որոշելով իր զորքերը համարյա ամբողջապես հանել Սիրիայից: Մյուս կողմից ակնհայտ է, որ Թրամփի այդ քայլը առաջնահերթորեն բխում է Ռուսաստանի շահերից: Թրամփն ինչ-որ անում է, դրանք ի վերջո ակնհայտորեն չեն ծառայում ԱՄՆ-ի շահերին՝ սկսած ԵՄ-ն քանդելու քայլերից մինչև պատի կառուցումը Լատինական Ամերիկայի երկրների ժողովուրդների առջև: ԱՄՆ-ի ոչ մի նախագահ երբևէ այսպիսի դիրքորոշումներ չի ունեցել իր երկրի կարևորագույն շահերի հանդեպ»:
