«Մեր երիտասարդների զգալի մասը ավելի համարձակությամբ Թուրքիայի դրոշը կայրի, քան իր հավանած աղջկան առաջարկություն կանի»

Երաժիշտ Նարեկ Սարգսյանը ֆեյսբուքում գրել է.

«Ցեղասպանության լավագույն պատասխաններից մեկը կլինի այն, որ հայ երիտասարդները գոնե մի քիչ շուտ ամուսնանան և շատ երեխաներ ունենան։ Ընտանիքների մեծ մասը 2 երեխայից ավել չի ուզում ունենալ։ Իհարկե երեխա պահելը թանկ է, բայց այլ երկրներում էլ էժան չէ։ Իսկ ի՞նչ ասել 25-30 տարեկան հազարավոր չամուսնացածների մասին, որ չգիտես ինչով են զբաղված. տղերքը վախում են առաջարկություն անեն, աղջիկները` վախում են համաձայնվեն։ Հետո՞։ Ու՞ր ենք հասնելու էս տեմպերով։ Թուրքական կամ քրդական որ բնակավայրը մտնում ես` ծովի չափ մանր երեխաներ ես տեսնում, 20-22 տարեկան չամուսնացած մարդ ուզես էլ չես գտնի, իսկ Հայաստանի 25-30 տարեկաննները դեռ մտատանջությունների մեջ են, ամուսնանա՜ն, չամուսնանա՜ն, ե՜րբ, ո՜նց, ո՜ւմ հետ, բա որ հանկա՜րծ… Տենց մտատանջություններով ու՞ր ենք հասնելու։ Մտատանջվելով երկիր չեն կառուցում։ Երկիր կառուցելու համար մի քիչ համարձակություն է պետք։ Իսկ մեր երիտասարդների զգալի մասը ավելի համարձակությամբ Թուրքիայի դրոշը կայրի, քան իր հավանած աղջկան առաջարկություն կանի կամ իր հավանած տղայի առաջարկությունը կընդունի»։