Տպել
«Երկիր Ծիրանի» կուսակցության նախկին անդամ, Երևանի ավագանու նախկին անդամ Մարինա Խաչատրյանը ֆեյսբուքյան իր էջում գրել է. «ԱՀԱԶԱՆԳՈՒՄ ԵՄ և ՏԵՂԵԿԱՑՆՈՒՄ
2019 թվականի մարտի 22-ին հաղորդում եմ ներկայացրել ԱԱԾ` Գարդասիլ – 4 պատվաստանյութի կիրառման ապօրինությունների և ազգային անվտանգությանը սպառնացող գրանդային ծրագրի վերաբերյալ։
Արդեն անցել են օրենքով սահմանված բոլոր ժամկետները, սակայն ԱԱԾ-ն չի իրականացրել իր պարտականությունները։
Սա համարում եմ անձամբ պարոն Վանեցյանի բացթողումն ու ամոթը։
Միաժամանակ, ստանում եմ ահազանգեր ՀՀ բոլոր մարզերից, այդ թվում` Երևանից։ Բոլոր պոլիկլինիկաներից ակտիվ կանչում և պատվաստում են մեր 14 տարեկանից բարձր երեխաներին։ Այս գործընթացին են լծվել նաև դպրոցները։
Փաստորեն ՀՀ ԱՆ-ն գաղտնի կատարում է ապազգային այդ ԳՐԱՆԴԻ պահանջները, իսկ ԱԱԾ-ն, որը պարտավոր է ապահովել մեր ազգային անվտանգությունը, դարձել է նրա լուռ հանցակիցը։
Ես շատ վատ եմ վերաբերվում (մեղմ ասած) ցանկացած մարդու, կազմակերպության կամ կառույցի, որը պատրաստ է ճնշումների կամ ֆինանսական շահագրգռվածության արդյունքում վաճառել իր ազգը։
Հայտնում եմ, որ չեմ ընկրկելու և դիմելու եմ բոլոր իրավապահ կառույցներին, լինելու եմ հետևողական ու պահանջատեր։
Պարո՛ն Վանեցյան, ես Ձեզ լուրջ էի վերաբերվում …»:
