Տպել
Երևան-Արմավիր ճանապարհին բախվել էին «Օպել» և «ԶԻԼ» մակնիշի ավտոմեքենաները, ինչի հետևանքով բռնկված հրդեհից ավտոմեքենաները վերածվել են մոխրակույտի։
Երևան-Արմավիր ավտոճանապարհին տեղի ունեցած դաժան ավտովթարի վարորդներից մեկը` «ԶԻԼ»-ի 37-ամյա վարորդը, ներկայացել է ոստիկանության Վաղարշապատի բաժին: Այս մասին տեղեկանում ենք ոստիկանության պաշտոնական կայքէջից։
Ոստիկանությանը հաջողվել է նաև պարզել վթարի հետևանքով մահացածների ինքնությունը։ Նրանք են 26-ամյա Կարեն Սարգսյանը և 28-ամյա Կարինե Գինոսյանը։
Հիշեցնենք, որ մայիսի 5-ին, ժամը 00.01-ի սահմաններում, Երևան-Արմավիր ճանապարհի 27-րդ կմ-ին իրար են բախվել «Օպել» և «ԶԻԼ» մակնիշի ավտոմեքենաները, ինչի հետևանքով բռնկված հրդեհից ավտոմեքենաները վերածվել են մոխրակույտի։ Դեպքի վայրում հայտնաբերվել է մեկ դի՝ «Օպելի» հարևանությամբ, իսկ մոտ 10 մետր հեռավորության վրա՝ դիակի այրված մասեր:
Հրդեհը մարվել է ժամը 01.20-ի սահմաններում: Դեպքի առթիվ հարուցվել է քրեական գործ։
