Տպել
«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է․
«Լավ չի, որ պարոն Ծառուկյանը շարունակում է տնտեսական շանտաժի լեզվով խոսել. տասներկու-տասնութ ներդրողներ սպասում են, որ տեսնեն պարոն Ծառուկյանին (ենթադրվում է, որ եթե մանդատից զրկեն կամ նա վայր դնի, ապա ներդրում չեն անի): Սրանով հստակ արձանագրում ենք, որ Ծառուկյանի ձեռնարկատիրական գործունեությունն անմիջականորեն փոխկապակցված է նրա քաղաքական գործունեության հետ։ Գոնե այդ ներդրողների դեպքում դա այդպես է` կա մանդատ կա բիզնես, չկա մանդատ չկա բիզնես։ Սա անթույլատրելի է։ Մենք Սերժին մերժեցինք բիզնեսը քաղաքականությունից տարանջատելու համար, ոչ թե էդ սերտացմանը նոր երաշխիքներ տալու»։
