Լևոն Երանոսյանի գործով դատական առաջին նիստը մեկնարկել է. Միջնորդել են Նիկոլ Փաշինյանին դատարան հրավիրել որպես վկա. news.am
Advertisement 1000 x 90

Լևոն Երանոսյանի գործով դատական առաջին նիստը մեկնարկել է. Միջնորդել են Նիկոլ Փաշինյանին դատարան հրավիրել որպես վկա. news.am

Երևան քաղաքի Ավան և Նոր Նորք վարչական շրջանների ընդհանուր իրավասության դատարանում դատավոր Հարությունյան Մանուկյանի նախագահությամբ այսօր՝ մայիսի 21-ին, մեկնարկել է նախկին փոխոստիկանապետ Լևոն Երանոսյանի գործով առաջին դատական նիստը։

Լևոն Երանոսյանը մինչև դատական նիստը լրագրողներին փոխանցեց գրավոր հայտարարություն, որում նշված է, որ ինքը մեղադրանքը չի ընդունում։

Դատական նիստի սկզբում Լևոն Երանոսյանի պաշտպանը միջնորդեց ՀՀ վարչապետ Նիկոլ Փաշինյանին և ոստիկանապետ Վալերի Օսիպյանին, Սյունիքի մարզպետ Հունան Պողոսյանի քրեական գործով որպես վկաներ հարցաքննելու առնչությամբ։

«Վկայակոչված ոստիկանության երկու բարձրաստիճան պաշտոնյաները դեպքի ժամանակ գտնվել են դեպքի վայրում և ականատես են եղել գործողություններին, որոն կապակցությամբ մեղադրանք է առաջադրվել Լևոն Երանոսյանին։ Նիկոլ Փաշինյանը ևս ներկա է գտնվել այնտեղ և տիրապետում է տեղեկության, որը սույն գործքի դատաքննության ժամանակ անհրաժեշտ է պարզաբանել։

Հիշեցնենք, որ  ՀՀ ոստիկանության պետի նախկին տեղակալ, ՀՀ ոստիկանության զորքերի հրամանատար Լևոն Երանոսյանին ՀՀ քրեական օրենսգրքի 309-րդ հոդվածի 2-րդ և 3–րդ մասերով մեղադրանք է առաջադրվել հանրորեն վտանգավոր այն արարքների համար, որ նա հատուկ միջոցների գործադրմամբ դիտավորությամբ կատարել է այնպիսի գործողություններ, որոնք ակնհայտորեն դուրս են եկել իր լիազորությունների շրջանակից և էական վնաս են պատճառել քաղաքացիների իրավունքներին ու օրինական շահերին, ինչպես նաև անզգուշությամբ  առաջացրել են ծանր հետևանքներ:

Մասնավորապես, ըստ առաջադրված մեղադրանքի` Լևոն Երանոսյանը, հատուկ միջոցների գործադրման անհրաժեշտություն առաջացնող իրադրություններում գործելու ունակությունը որոշող ստուգումներ անցած չլինելով, չունենալով հատուկ որակավորում  և դրանով իսկ պայմանավորված` չունենալով հատուկ միջոցառումների իրականացման միջոց հանդիսացող «Զարյա» տեսակի լուսաձայնային նռնակներ ստանալու և անձամբ գործադրելու լիազորություն, դրանց կիրառման համար թույլատրելի չափանիշների խախտմամբ, այն է՝ չպահպանելով մարդկանցից առնվազն 2,5 մետր հեռավորությունը, 2018 թվականի ապրիլի 16-ին՝ ժամը 15-ի սահմաններում,  Երևան քաղաքի Բաղրամյան պողոտայում անցկացվող բողոքի զանգվածային ակցիայի ժամանակ գործադրել է 4 հատ «Զարյա» տեսակի լուսաձայնային նռնակ, ինչի հետևանքով ցույցի մասնակիցներից ավելի քան 40 հոգի ստացել են տարբեր աստիճանի, այդ թվում` ծանր և միջին ծանրության մարմնական վնասվածքներ:

Լևոն Երանոսյանի կողմից հատուկ միջոցների գործադրման հետևանքով Բաղրամյան պողոտայում ծառայություն իրականացնող ՀՀ ոստիկանության զորքերի զինծառայողներից 6 հոգի նույնպես ստացել են մարմնական վնասվածքներ:

Բացի այդ, 2018 թվականի ապրիլի 22-ին՝ ժամը 14-ի սահմաններում, Երևան քաղաքի Արցախի պողոտայում անցկացվող բողոքի զանգվածային ակցիայի ժամանակ, կիրառման համար թույլատրելի նույն չափանիշների խախտմամբ, Լևոն Երանոսյանը ցուցարարների նկատմամբ գործադրել է 4 հատ «Զարյա» տեսակի լուսաձայնային նռնակներ, ինչի հետևանքով ցույցի մասնակիցներից ևս 6–ը ստացել են մարմնական վնասվածքներ:

news.am



Նման նյութեր