Տպել
Ինչպես գրում է hraparak.am-ը, կառավարության աշխատակազմի ղեկավար Էդուարդ Աղաջանյանի ընտանիքին պատկանող ընկերությունը՝ «Զիգզագը», դատի էր տվել Պետական եկամուտների կոմիտեին, որի խոշոր եւ միջին հարկատուների վարչությունը մարտի 19-ին տուգանել էր ընկերությանը՝ ՀԴՄ չխփելու համար։
Այն ժամանակ գրել էինք, որ փաստորեն, Էդուարդ Աղաջանյանի ընտանիքին պատկանող «Զիգզագ» ընկերությունը ոչ միայն չի կատարում վարչապետի հրահանգը, այլև ՊԵԿ կազմածակտը անվավեր ճանաչելու հայցով մտնում է դատարան՝ տարաբնույթ մեկնաբանությունների տեղի տալով։
Մասնավորապես, թե նոր Հայաստանում ինչու կառավարության բարձրաստիճան պաշտոնյայի ընտանիքը պետք է հակամարտության մեջ մտնի Փաշինյանի կառավարության համար լրացուցիչ 62 միլիարդ ապահովող ՊԵԿ-ի հետ։ Տեղեկացանք, սակայն, որ հունիսի 5-ին նշանակված առաջին դատական նիստն այդպես էլ չի կայանա, քանի որ երևի թե Աղաջանյանենք էլ հասկանալով, որ մի տեսակ ճիշտ չի մեկնաբանվի, որոշել է հրաժարվել ՊԵԿ ստուգման ակտն անվավեր ճանաչելու հայցից։
Datalex տեղեկատվական համակարգից տեղականում ենք, որ գործը վարույթ ընդունած վարչական դատարանի դատավոր Հրաչ Հակոբյանը վարույթը կարճել է, քանի որ 23.04.2019 թվականին ՀՀ վարչական դատարան է մուտքագրվել հայցվոր «Զիգզագ» սահմանափակ պատասխանատվությամբ ընկերության տնօրեն Ա.Մկրտչյանի դիմումը՝ հայցից հրաժարվելու մասին:
