Կոմիտաս 15 հասցեում բազմաֆունկցիոնալ համալիրի շինարարությանն առնչվող քրեական գործ է հարուցվել
Advertisement 1000 x 90

Կոմիտաս 15 հասցեում բազմաֆունկցիոնալ համալիրի շինարարությանն առնչվող քրեական գործ է հարուցվել

Ոստիկանության Երևան քաղաքի վարչության Կենտրոնական բաժնից քաղաքապետարանը գրություն է ստացել, որից պարզ է դառնում, որ քրեական գործ է հարուցվել Կոմիտասի պողոտայի 15 և 15/5 հասցեներում կառուցված բազմաֆունկցիոնալ համալիրի կառուցման համար ձևակերպված ավարտական ակտի՝ ոչ իրավաչափ լինելու կասկածով (ՀՀ Քր. օր. 308-ի 1-ին մաս):

Այս մասին «Ֆեյսբուք»-ի իր էջում գրառում է կատարել Երևանի քաղաքապետի մամուլի խոսնակ Հակոբ Կարապետյանը: «Ըստ այդմ, կասկած կա, որ շինարարության ավարտը փաստագրող պատասխանատու անձանց արարքներևը կարող են պարունակել հանցագործության հատկանիշներ:

Սա այն շենքն է, որի դիմացի զավթած մայթը երեկ մաքրում էին քաղաքապետարանի աշխատակիցները, որի կառուցապատողը փաստացի տարածքներ էր զավթել նաև հարևանությամբ գտնվող դպրոցից»,- գրել է Կարապետյանը: