Տպել
Երևանի ընդհանուր իրավասության դատարանի Շենգավիթի նստավայրում ՊՊԾ գնդի գրավման գործով դատական հերթական նիստը հետաձգվել է: Պատճառը Մխիթար Ավետիսյանի դատարան չներկայանալն էր: Ըստ բժշկական փաստաթղթի` նա այսօր վիրահատվելու է: Մինչ դատական նիստի հետաձգվելը, սակայն, այլ միջնորդություններ էլ են եղել:
Պավել Մանուկյանի պաշտպանը նախ՝ միջնորդել է, որ վերջինս ներկա լինի նիստին, չնայած նախորդ դատական նիստի ընթացքում դատարանը Մանուկյանին 15 ժամով հեռացրել էր դահլիճից:
Պաշտպան Զարուհի Փոստանջյանը նաև միջնորդել է, որ դատական նիստերը լինեն բաց: 2 միջնորդությունն էլ մերժվել է:
Դատական նիստի հետաձգումից դժգոհ էր ամբաստանյալ Արմեն Բիլյանը:
