Տպել
Դոնալդ Թրամփն իր մեծ բիզնես կայսրությունը կուտակել է որպես կոմերցիոն և ռեկրեացիոն անշարժ գույքի խոշոր մասնագետ: Նրա առաջին մեծ նախագիծը իրականություն է դարձել 1983 թ.-ին: Դա Նյու Յորքի Մանհեթեն թաղամասոում կառուցած Trump Tower-ն էր:
Այսօր The Trump Organisation-ի սեփականությունը բաղկացած է բազմաթիվ անշարժ գույք համարվող կապիտալից, որոնց հայտարարագրված գինը 5.3 միլիարդ դոլար է: Ներկայացնենք դրանցից ամենաթանկերը:
Թրամփի աշտարակը, Նյու-Յորք
Դոնալդ Թրամփի անունը կրող 68 հարկանի այս աշտարակը, Նյու-Յորքի իսկական խորհրդանիշն է: Գործարարը այստեղ բավական շատ ժամանակ է անցկացնում: Ծավալուն բիզնես հարցերը նա լուծում է Կենտրոնական զբոսայգու տեսարանով իր աշխատաասենյակում: Trump Tower-ում է նաև գտնվում ոսկեզօծ դռներով, շատրվաններով և պատկերազարդ առաստաղով փենթհաուսը:
Մար-ա-լագո, Փալմ-Բիչ, Ֆլորիդա
Փալմ-Բիչում գտնվող Թրամփի կալվածքը, նրա թեթև ձեռամբ, ձևափոխվել է բարգավաճ ակումբի: 80-ականների սկզբում Թրամփը գնել էր այս անշարժ գույքը մոտ 10 միլիոն դոլարով: Առանձնատունը ունի 58 ննջարան, 33 լոգասենյակ, 12 բուխարի և 3 ապաստարան: Այստեղ նա ապրել է 10 տարի:
Ավելի ուշ բիզնես ինտուիցիան օգնեց նրան վերափոխել առանձնատունը հարուստ և հայտնի հաջողակ մարդկանց համար ակումբի:
«Seven Springs», Բեդֆորդ, Նյու-Յորք հահանգ
Բեդֆորդի տունը նա գնել է 1995-ին, 75 միլիոն դոլարով, որը ըստ մտահղացման պետք է գոլֆ-ակումբ լիներ, սակայն, տեղի բնակիչները դեմ էին. իբր այն պատճառով, որ գոլֆի մեքենաների լիցքավորման համար օգտագործվում են քիմիկատներ: Այդ ժամանակ անշարժ գույքի արքան, հողակտորը բաժանեց 9 մասի, և ստացավ թույլտվությունը:
Ալբերմարլ, Շարլոտսվիլ, Վիրջինիա նահանգ
Ի սկզբանե Թրամփը միլիարդատեր Ջոն Կլյուգից գնեց խաղողի այգիներ և գինու գործարան: Գինը ռեկորդային էր՝ 62 միլիոն: Հետո բիզնեսմենը որոշեց ևո 6.2 միլիոն դոլար ծախսել 2 000 քմ տարածքով կալվածք գնելու համար: Կիրառել է հետևյալ մարքեթինգային հնարքը. ավելացրել է նկուղներ, ախոռներ, մի մեծ տարածք վերածել է կինոթատրոնի: Դրանով, նա կարողացել է անկումային բիզնեսին կյանք տալ, որի ակտիվներն ավելացան մի քանի անգամ:
Լե Շատո դե Պալմիեռս, Փալմ-Բեյ Բիչ, Սեն Մարտեն
2013-ին Թրամփը Կարիբյան ծովի Սեն-Մարտեն կղզում առանձնատուն գնեց: Ինքը՝ բիզնեսմենը անվանում է այն «հարմարավետ բույն» և գտնում է, որ 9 ննջարաններով, թենիսի կորտով և մինի գոլֆի համար նախատեսված տունը ահավոր փոքր է, բայց շատ հարմարավետ: Այս, իր ասած փոքր տունն էլ իր բացակայությամբ՝ վարձակալության է տալիս: Ասում են, որ 20 միլիոն դոլարը, նա շատ շուտ հետ է բերել:
