Տպել
Փաստաբան Նորայր Նորիկյանը ֆեյսբուքյան իր էջում գրել է.
«Մեր պատմության տարբեր փուլերում մեր ժողովրդին մշտապես կանգնեցրել են դիլեմայի առաջ՝ Տիզբո՞ն, թե՞ Հռոմ, Արևմու՞տք, թե՞ Արևելք, Ամերիկայի Միացյալ Նահագնե՞ր, թե՞ Ռուսաստան:
Մեզնից միշտ պահանջել են արտաքին քաղաքական կողմնորոշում, շատ դեպքերում՝ ի հաշիվ մեր պետական ու ազգային շահերի:
Եվ մենք հաճախ տուրք ենք տվել այդ պահանջներին ու տանուլ տվել…
Մեզնից միշտ տարել են, մեզնից միշտ պահանջել են՝ թողնելով փշուրներ կամ ոչինչ…
Իմ պատկերացրած Հայաստանի համար անընդունելի է որևէ աշխարհաքաղաքական կողմնորոշում, իսկ ավելի վտանգավոր՝ որևէ աշխարհաքաղաքական առանցքին գերակայություն տալը:
Մենք որևէ մեկին հլու-հնազանդ ծառայելու խնդիր չունենք, մենք ունենք մեր շահերը համադրելու, Հայաստանը գլոբալ շահերի համադրման առանցք դարձնելու խնդիր…
Արտաքին քաղաքական կողմնորոշման հարցում մենք պետք է դեմ լինենք որևէ ՄԵՏ-ությանը:
Մենք միայն Արևմտամետ չենք, մենք միայն ռուսամետ չենք, իսկ ամենակարևորը՝ մենք հակաարևմտամետ ու հակառուսամետ չենք և չպետք է լինենք:
Ինքս աշխարհի հետ խոսելու, նրա հետ հարաբերվելու մի բանաձև գիտեմ: Դա Հայաստանի պետական ու ազգային շահերով առաջնորդվելու լեզուն է…»:
