Տպել
Չելյաբինսկի մարզի Մ-5 մայրուղու վրա տեղի է ունեցել վթար: Hyundai Sonata-ն դուրս է եկել հանդիպակաց ուղեմաս եւ բախվել բեռնատարին, հայտնում է «Челябинский обзор»-ը:
Ճանապարհային պատահարը տեղի է ունեցել նախօրեին ուշ երեկոյան Չելյաբինսկի մարզի Աշինսկի շրջանի տարածքում:
Hyundai-ն վարող 41-ամյա տղամարդը արգելված տարածքում վազանց կատարելիս դուրս է եկել հանդիպակաց ուղեմաս: Այնուհետեւ տեղի է ունեցել բեռնատարի հետ ճակատային բախում, որի ղեկին 39-ամյա տղամարդ էր:
Պատահարի հետեւանքով մարդատար մեքենայի վարորդը եւ ուղեւորը հոսպիտալացվել են:
Hyundai ավտոմեքենայի մեջ են եղել Հայաստանի բնակիչներ, բեռնատարը վարել է Բաշկորտոստանի բնակիչ, հայտնել են Չելյաբինսկի մարզի ճանապարհային երթեւեկության անվտանգության պետական տեսչության վարչությունից:
