Տպել
Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է․
«Ադրբեջանը հիմա էլ հավակնություններ է արտահայտում Արևմտյան Հայաստանի տարածքի նկատմամբ:
Աղվանների անվան տակ Վանի Աղթամար կղզու ՍԲ Խաչ եկեղեցի են այցելել մոտ երկու տասնյակ ադրբեջանցիներ ու իրենց լրատվամիջոցների աղմկոտ քարոզչությամբ պատարագ արել հայկական եկեղեցում՝ այն ներկայացնելով որպես իրենց հոգևոր ժառանգություն:
Հոգեխանգարմունք կարող են անվանել մասնագետներն այսպիսի գործողությունները՝ 100 տարվա պատմություն ունեցող մահմեդականները խոսում են իրենց քրիստոնեական հազարամյա անցյալի ու արժեքների մասին:
Բայց, կարծում եմ, սա խիստ վտանգավոր երևույթ է մեր տարածաշրջանի ու հատկապես Ադրբեջանի հարևանների համար, քանի որ այդպիսի հոգեբանությամբ իր հանրությանը վարակող իշխանությունն, ի վերջո, աճեցնում է մի վիրուս, որը դառնում է կոնկրետ վտանգ շրջապատի համար»:
