Տպել
Վրաստանում Երևանից Բաթումի ուղևորվող միկրոավտոբուսի վթարից տուժած ՀՀ երեք քաղաքացի տեղափոխվել են Երևան:
Ինչպես հայտնեցին ՀՀ առողջապահության նախարարությունից, նրանցից 1-ի վիճակը գնահատվում է ծանր, 1-ի վիճակը բավարար է։ Տուժածներից 1-ը տեղափոխվել է «Սուրբ Գրիգոր Լուսավորիչ» բժշկական կենտրոն, 2-ը՝ «Էրեբունի» բժշկական կենտրոն։ 1-ը հետազոտությունների արդյունքում ստացիոնար բուժման կարիք չի ունեցել և դուրս է գրվել։
Այս պահին դեռևս Վրաստանում են գտնվում մեր 2 հայրենակիցները՝ ծայրահեղ ծանր վիճակում, վերջիններիս հարազատները տեղափոխման համաձայնություն չեն տվել։
