Տպել
Արցախի զորամասերից մեկի պահպանության տեղամասում, դեռևս չպարզված հանգամանքներում, զինծառայող է մահացել։ Այս մասին հայտնում է Արցախի պաշտպանության նախարարությունը։
«Սեպտեմբերի 28-ին` ժամը 06:50-ի սահմանում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1999թ. ծնված Արման Արմենի Լևոնյանը: Դեպքի մանրամասները պարզելու համար կատարվում է քննություն»,–նշված է ՊԲ–ի հաղորդագրության մեջ։
Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին:
