Տպել
Google-ի շնորհիվ՝ Վերսալի պալատում մենակ, առանց բազմաթիվ զբոսաշրջիկների շրջելու հազվադեպ հնարավորություն է ստեղծվել HTC Vive-ի և Oculus Rift-ի VR սաղավարտներ ունեցողների համար։ Որոնողական համակարգը թանգարանի վարչության հետ համատեղ ստեղծել է Լյուդովիկոս XIV-ի պալատում վիրտուալ էքսկուրսիայի հավելված, տեղեկացնում է Vesti-ն։
Նախագծի համար նկարահանվել և մանրամասն եռաչափ օբյեկտների են փոխակերպվել 21 սրահների ինտերիերները՝ 36 հազար քառակուսի մետր ընդհանուր մակերեսով ներառյալ պատերը և առաստաղները։ Թվայնացվել են նաև շատ կտավներ ու քանդակներ, որոնք VR սաղավարտների օգտատերերը կկարողանան դիտել շատ մանրամասն։
Տվյալները զբաղեցրել են մոտ չորս տերաբայթ։ Հավելվածում կարելի է այցելել թագավորի և թագուհու առանձնասենյակներ, Թագավորական օպերային թատրոն, Թագավորական ժամատուն, Հայելային դահլիճ և պալատի այլ սրահներ։ Հավելվածը Windows-ի համար հասանելի է անվճար, Steam պլատֆորմում։
