Տպել
Հաղորդավարուհի, դերասանուհի Զառա Արամյանը սրտի աշխատանքի հետ կապված գանգատներով դիմել է Երևանի «Էրեբունի» բժշկական կենտրոն։ Այս մասին Sputnik Արմենիային հայտնեց բժշկական կենտրոնի հասարակայնության հետ կապերի բաժնի պետ Շուշան Հունանյանը։
«Արամյանը մեզ մոտ դիմել է սրտային խնդիրներով. այժմ բժիշկները հետազոտում են նրան։ Նա բժիշկների հսկողության տակ է»,–ասաց Հունանյանը։
Հարցին` արդյո՞ք վիրահատական միջամտության կարիք կա, Հունանյանը պատասխանեց` այդ մասին հայտնի կլինի հետազոտությունների ավարտից հետո։
Հիշեցնենք, որ Sputnik Արմենիան «Տարիներ անցան» ռադիոնախագծի հաղորդումներից մեկը նվիրել էր Զառա Արամյանին և մի շարք ուշագրավ պատմություններ ներկայացրել հաղորդավարուհու կյանքից։
