Տպել
SHAMSHYAN.com-ի տեղեկություններով՝ երեկ՝ հոկտեմբերի 13-ին, ոստիկանության Մաշտոցի բաժնի քրեական հետախուզության բաժանմունքի ծառայողները, օպերատիվ տվյալներն իրացնելով, ոստիկանության Մաշտոցի բաժին են բերման ենթարկել Դավիթաշեն թաղամասի մի բնակչի:
Ինչպես հայտնում է ֆոտոլրագրող Գագիկ Շամշյանը, վերջինս Դավիթաշեն վարչական շրջանի բնակիչ, 18-ամյա Ռուբեն Մ.-ն է, ով բերման է ենթարկվել Բաշինջաղյան փողոցից Nissan մակնիշի ավտոմեքենայով: Արդեն ոստիկանության Մաշտոցի բաժնում նրա մոտ հայտնաբերվել է 9 հատ 20 հազար անվանական նույն համարի թղթադրամ:
Փաստի առթիվ ոստիկանության Մաշտոցի բաժնի հետաքննչական բաժանմունքում կեղծ փողեր պատրաստելու և իրացնելու կասկածանքով Ռուբեն Մ.-ի նկատմամբ նյութեր են նախապատրաստվում:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
