Սանասարյանը զանգահարել է երեխայի մորը. «Ես Դավիթ Սանասարյանն եմ, ես քաղաքական գործիչ եմ». Analitik.am (տեսանյութ)
Advertisement 1000 x 90

Սանասարյանը զանգահարել է երեխայի մորը. «Ես Դավիթ Սանասարյանն եմ, ես քաղաքական գործիչ եմ». Analitik.am

12.09.2019-ին՝ ժամը 14:30-ի սահմաններում, Դավիթ Սանասարյանը Կիևյան 4 հասցեում գտնվող շենքի կամարանցումի (դալան) մոտ վրաերթի է ենթարկել 6-ամյա Ա.Ղևոնդյանին: Երեխային վրաերթի ենթարկելուց հետո Դավիթը որևէ բան չի ձեռնարկել: Պատահական անցորդներից մեկը զանգել է Ա.Ղ.-ի մայրիկին, ով էլ երեխային տեղափոխել է «Արմենիա» հանրապետական բժշկական կենտրոն:

Դավիթ Սանասարյանը տեղեկանալով, որ իր կողմից վրաերթի ենթարկված երեխան տեղափոխվել է Հանրապետական հիվանդանոց, գնացել է այնտեղ և տեղում պայմանավորվածություն  ձեռք բերել բժիշկ Արսեն Գևորգյանի հետ, որպեսզի դեպքը ոստիկանությունում չգրանցվի որպես վրաերթ, այլ գրանցվի որպես բակում խաղալու ընթացքում ստացած կենցաղային վնասվածք: Վրաերթի արդյունքում երեխան ստացել է լուրջ վնասվածքներ, որոնք կարող են հանգեցնել հաշմանդամության: Դավիթ Սանասարյանը որևէ կերպ չի աջակցել երեխայի ծնողներին բուժման ծախսերը հոգալու հարցում՝ ավելին, ըստ ծնողների, սպառնացել է՝ ասելով, որ «ինքը որևէ պրոբլեմ չունի»:

Analitik.am-ը, տեղեկանալով, որ երեխայի ծնողները հայտնվել են ծանր վիճակում, չեն կարողանում հոգալ երեխայի բուժման ծախսերը, փաստացի մնացել են միայնակ ստեղծված իրավիճակում, խմբագրակազմով այցելեց փոքրիկ Ա. Ղևոնդյանին: Մեր փոքրիկ օգնությունը ցուցաբերեցինք Ա.Ղ.-ի ընտանիքին: Կից ներկայացնում ենք տեսանյութ և բժշկական թղթերը: Բոլոր այն մարդիկ, ովքեր ցանկություն կունենան օգտակար լինել փոքրիկ Ա. Ղևոնդյանին, կարող են դիմել Analitik.am-ի խմբագրություն: