Տպել
Այսօր՝ նոյեմբերի 5-ին, ժամ՝ 16։30-ի սահմաններում «Հաղթանակ» կամրջից իրեն ցած նետած տղամարդը մահացել է, իսկ նրան օգնության հասած ոստիկանը՝ վրաերթի ենթարկվել։ Այս մասին NEWS.am-ին հայտնում են ոստիկանության լրատվության ծառայությունից։
Տղամարդը ցանկացել է կամրջից ցած նետվել, եւ կամրջի դիմացի ենթահատվածում իր ծառայությունն իրականացնող ոստիկանը նկատել է նրան, ցանկացել է անցնել դիմացի մայթ, որպեսզի թույլ չտա քաղաքացուն դիմել այդ քայլին, սակայն ենթարկվել է վրաերթի։
Քաղաքացին ցած է նետվել, կորցրել է գիտակցությունը։ Ոստիկանն ու քաղաքացին տեղափոխվել են «Հերացի» թիվ 1 համալսարանական հիվանդանոց։ Տղամարդը գիտակցության չգալով՝ մահացել է, իսկ ոստիկանի կյանքին վտանգ չի սպառնում։
Դեպքի առթիվ կատարվում է քննություն։
