Տպել
Կարեն Վրթանեսյանը ֆեյսբուքում գրել է.
«Մխոյանի ու Ադիբեկյանի բանավեճն էի կարդում, թե ոնց պիտի դասավանդվի պատմությունը Հայաստանում…
Եթե դեմ չեք, ես էլ արտահայտվեմ (եթե նույնիսկ դեմ եք, մեկ է արտահայտվելու եմ):
Ըստ իս ճիշտ կլիներ հայ ժողովրդի պատմությունն ուսումնասիրել համաշխարհային ու տարածաշրջանային կոնտեքստում: Մեր հարևանների պատմության հետ:
Այդ ամենը՝ աշխարհագրության, իրավագիտության ու հասարակագիտության, գիտության պատմության հետ համատեղ, որպեսզի սովորողը ոչ թե ուղղակի ինչ-որ իրադարձությունների շարան անգիր անի, այլ հասկանա այդ իրադարձությունների տրամաբանությունը, կոնտեքստը:
Շատ լավ կլինի, որ սովորեն քննական մտածողության, որոշումներ կայացնելու տրամաբանությունը պատմական նյութի վրա, փորձեն մտածել, թե իրենք ինչպե՞ս կվարվեին այս կամ այն գործչի տեղում, և այլն, և այլն:
Իհարկե, այդպիսի մեգա-առարկա մշակելն ահավոր բարդ կլինի, բայց արժի»:
