«…Այս իշխանությունը սեփական հայեցակարգ չունի… խաղում է Ալիևի սցենարով…»

Մարդիկ, չի կարելի խեղաթյուրել դիմացինի խոսքն ու միտքը, եթե ցանկանում ես իրավիճակը ճիշտ հասկանալ:

Լևոն Զուրաբյանը պարզ ասում է.

– Փաշինյանը ցանկանում է բանակցությունները վերադարձնել 90-ականների ֆորմատ:

Այսինքն ՝այդ ֆորմատը հետևյալն էր.

1/ Հայաստան

2 / ԼՂ/

3/ Ադրբեջան:

Սա է:

90-ականների բանակցային ֆորմատում չի եղել և հայկական կողմերից որևէ մեկի մտքով էլ չէր կարող անցնել բանակցային սեղանին մոտ թողնել ԼՂ ադրբեջանական համայնքին:

Իսկ Հ. Իգիթյանի հարցազրուցում ասվում է.

– վարչապետը հայտարարել է, որ խնդիր չկա, նրանք էլ կարող են գալ բանակցությունների:

Սա է սարսափելին, սա է անհանգստացնողը, սա է առաջին քայլը՝ վարչապետի ասած նաև ադրբեջանական կողմի համար ընդունելի որոշման հասնելուն:

Ոչ մեկը դեմ չէ, եթե Նիկոլը կարողանա վերականգնել 90-ականների բանակցային եռակողմ ֆորմատը:

Բայց կտրուկ անընդունելի է դա դարձնել քառակողմ:

Իսկ այս իշխանությունը սեփական հայեցակարգ չունի:

Նա փաստորեն խաղում է Ալիևի սցենարով:

Էականը սա է:

Սրա համար պետք է բացատրություն պահանջեն քաղաքական ուժերը վարչապետից:

Եթե Իգիթյանն է դա մոգոնել, ինչին չեմ հավատում, նա պետք է հրաժարական տա:

Իսկ եթե դա իրականություն է, պետք է քրգործ հարուցվի վարչապետի նկատմամբ:

ԼՂ նախկին ադրբեջանական համայնքին բանակցությունների մասնակից դառնալու համաձայնություն տալը շատ հեռուն գնացող և կործանարար հետևանքներ է ունենալու:

Սաշա Ասատրյանի ֆեյսբուքյան էջից: