Հանրային խորհրդում կհնչե՞ն «պոռնիկներ», «լածիրակներ», «քաղաքական սիֆիլիսներ», «եթիմներ», «թուրքեր» եզրույթները․ հանրությունը տարածում է Ստյոպա Սաֆարյանի բառամթերքը

Ստյոպա Սաֆարյանի՝ Հանրային խորհրդի նախագահի պաշտոնում նշանակվելուց հետո համացանցում սկսեցին տարածվել վերջինի կողմից կատարված մի շարք գրառումներ։ Գրառումներում հատկապես նշվում են կարծիքներ, որ հանրությանը հայտնի գործիչներից Ստյոպա Սաֆարյանն ամենաշատն է աչքի ընկնում ագրեսիվ և հայհոյախառն գրառումներով ու մեկնաբանություններով։ Օգտատերերից ոմանք տարակուսանք են հայտնում այն մասին, թե ինչպես կարելի է նման բառամթերքով աչքի ընկած անձին, ում գրառումներն ու մեկնաբանությունները միայն ագրեսիա և թշնամանք են պարունակում, նշանակել մի կառույցի ղեկավար, որը կոչված է հանրային համերաշխություն ապահովել իշխանությունների և հանրության միջև։