Սեդրակ Մկրտչյան. «Հիմա պետք է սպասել՝ Թրամփի պատասխանը կլինի նույն կերպ իրավիճակը հանգստացնող, թե ամեն դեպքում նպատակը պատերազմն է»

-վաղ առավոտ
Թեհրանի օդանավակայանից բարձրացած ուկրաինական Բոինգ 737 քաղաքացիական ինքնաթիռը վայր է ընկել։ Զոհվել է ինքնաթիռում գտնվող բոլոր 179 ուղևորները, որոնցից 147 իրանցի, 32 արտասահմանցի։

-ժամը 7-8
Երկու երկրաշարժ է տեղի ունեցել Իրանի Խորասան շրջանում 4,5 ու 5,5 մագնիտուդով։

Հետաքրքիր՝
* Թրամփի առավոտը նախատեսված բրիֆինգը չի կայանալու։
* ՕՊԵԿ ղեկավարը Թրամփին նամակով հայտնել է, որ իրավիճակի սրումը ապակայունցնելու է շուկան ու որ ՕՊԵԿ-ը չի կարող միայնակ նավթի գինը կայուն պահել։
* Թրամփը հայտարարել էր, որ ի պատասխան Սոլեյմանիի սպանությանը Իրանի հնարավոր գործողություններին տալու են ՈՉ ՀԱՄԱՐԺԵՔ ուժեղ պատասխան։
* Իրանի ԱԳՆ հայտարարության մեջ նշվում է, որ այսօրվա հարվածները ՀԱՄԱՐԺԵՔ են Սոլեյմանիի սպանությանը ու որ իրենք չեն ցանկանում պատերազմական գործողություններ։ «Մեր պատասխանով մենք հաղորդագրություն ուղարկեցինք ԱՄՆ-ին։ Այժմ ամեն ինչ ավարտված է», – ասել է Զարիֆը։
* Բոլորին բացահայտ է, որ այս հարվածը, որը ուղղված է եղել ոնց հասկանում եմ այդ ռազմաբազաներում կայանած ռազմական տեխնիկայի դեմ ՀԱՄԱՐԺԵՔ պատասխան չէ։
* Գլխավոր եզրահանգումը՝ Իրանը չի ցանկանում գնալ իրավիճակի սրացման, բայց պետք է արձագանք տրվեր փողոցներ լցրած միլիոնավոր մարդկանց ի պատասխան։ Պատասխանը եղավ ոչ կոշտ։

Հիմա պետք է սպասել՝ Թրամփի պատասխանը կլինի նույն կերպ իրավիճակը հանգստացնող, թե ամեն դեպքում նպատակը պատերազմն է։