Տպել
Համացանցի հայկական տիրույթում նոր տեսանյութ է հայտնվել։ Հայրիկը նստել է հյուրասենյակի հատակին ու կերակրում է դուստրերին։ Նրա գրկում ամենափոքրիկն է, իսկ մյուս երեքը շարվել են շուրջը և սպասում են իրենց հերթին։
Տեսանյութը հրապարակել է ընտանիքի մայրը` Գայանե Զաքարյանը։
«Լինում է նաև այսպես՝ գերխնդիրը հաց ուտացնելն է… Պապա ունենք` աշխարհը չունի»,– կից գրել է նա։
Նժդեհ Խաչատրյանն ու Գայանե Զաքարյանը չորս դուստր ունեն և ապրում են Երևանում։ Երեխաները զույգեր են։ Երբ խնդրեցինք նշել դուստրերի անունները, Նժդեհը ծիծաղեց:
«Սպասեք մի րոպե, պիտի հիշեմ… Մեր ավագ աղջիկները 3 տարեկան են, անունները` Վիվիեն և Նոյեմի, իսկ փոքրիկներ մեկ տարեկան երեք ամսական են, անունները` Էվա ու Նանե»։
Ծնողներն աշխատում են, հայրը մոնտաժող է ԶԼՄ–ներից մեկում, իսկ մայրը երաժշտություն է դասավանդում։ Նժդեհը վստահեցնում է, որ հաճախ է կերակրում դուստրերին, այնպես որ իրենց տանն ամեն օր է հնարավոր այսպիսի տեսանյութ նկարել։
Ավելի մանրամասն՝ armeniasputnik.am
