Տպել
Պանիկան, խուճապը Կառոնավիրուսից ավելի վտանգավոր ա:
Պանիկան ամերիկացիների հերն անիծելու ա: Մեծ, շաաաատ մեծ սուպերմարկետներն այսօր այսպիսի տեսք ունեին:
Ես 91-92 թթ. ցուրտ ու մութ ձմեռ վերապրած տղա եմ ու առավոտյան իմ համար շատ խնդալու էր այս վիճակը:
Գործից հետո գնացի խանութ: Նայում էի առևտուր անողներին ու մտածում էի, լավ, էսքան թղթից սրբիչ կամ զուգարանի թուղթ ու՞ր եք տանում:
Երևանում շատերը խոհանոցում մինչև օրս սրբիչով են չորացնում ամանեղենը, իսկ առանց զուգարանի թուղթի էլ մի կերպ կդիմանաք… Կարևորը 7/24 տաք ջուր ունեք:
Կամ ամենատարբեր տեսակի շշերով ջրերն ու՞ր եք կրում, երբ համարյա բոլորիդ տներում ֆիլտրերով առանձին ծորակներ կան ու բոլորի սառնարաններն էլ ֆիլտրած սառը ջուր են տալիս:
Կամ պահածոները՞… Պատերա՞զմ ա սկսվել…
Հ.Գ. – Այսպես մտածելով խանութից տուն եկա, շատ երկար դատարկեցի մեքենայիս պարունակությունը, նայեցի գառաժում դարսած անթիվ զուգարանի թղթերին, թղթից սրբիչներին, հետո հատակին շարած արկղերով ջրեղենին, ապա ինքս ինձ անպատվելով սկսեցի 2 սառնարանների մեջ խցկելով տեղավորել առածս մթերքն ու լեփ լեցուն պահարաններում ճխտել առածս պահածոներն ու մոտեցա կոմպիս…
Բա՞ Երևանը… ՍԱՍ-մարկետից օնլայն անբաղ զամբաղ առևտուր արեցի ու հիմա նստել մտածում եմ ու չեմ հասկանում թե ե՞րբ սենց էշացա:
Սպասում եմ Երևանի զանգին: Շուտով մամաս պատվերը Երևանում կընդունի, կտեսնի արածս անիմաստ առևտուրը և կզանգի մի երկու լավ խոսք կասի…
Ու ճիշտ էլ կանի:
Բոլորս գործիք ենք դարձել ու կառավարվում ենք անտեսանելի ուժերի և մեր վախերի կողմից…
Բոլորս…
Ու դա փաստ ա:
Ու էս անտեր վիրուսը մեկ անգամ ևս դա ապացուցեց:
Արա Ղազարյանի էջից:
