Տպել
Bosch ընկերությունը կորոնավիրուսի նոր թեստ է ստեղծել, որի արդյունքները պատրաստ են լինում ընդամենը 2.5 ժամվա ընթացքում, ընդ որում, քսուքը լաբորատորիա տանելու կարիք չկա, իսկ նոր թեստի ճշգրտությունը 95 տոկոս է:
Ըստ The Daily Mail-ի՝ քսուքը դրվում է հատուկ քարտրւջի մեջ, որը տեղադրվում է Vivalytic սարքի մեջ. Այն ավտոմատ կերպով կորոնավիրուսի հայտնաբերման թեստ է անցկացնում, ավելի ճիշտ, անալիզի է ենթարկում կորոնավիրուսի հետ կապված բիոմարկերի գեները: Թեստի արդյունքները տրվում են էլեկտրոնային եղանակով:
Թեստի անցկացման համար ոչ բժշկական անձնակազմ, ոչ լաբորատորիայի աշխատողներ անհրաժեշտ չեն: Կորոնավիրուսի հայտնաբերման սովորական լաբորատոր թեստը կարող է տևել մինչև 48 ժամ, հիմնականում` մարդկային գործոնի պատճառով:
Իսկ նոր թեստը, ինչպես պնդում են մշակողները, կարող է վերլուծել օրական 10 թեստ, եվ 100 սարքերից բաղկացած յուրաքանչյուր հարթակում կարող է 1000 թեստ անցկացնել:
Ավելին, նոր մշակումը հաջողությամբ տարբերակում է կորոնավիրուսը և 9 այլ շնչառական վիրուսներ` այդ թվում նաև գրիպը, որը սովորաբար իր ախտանիշներով շատ նման է կորոնավիրուսին:
Սպասվում է, որ թեստային նոր համակարգը գերմանական շուկայում կհայտնվի արդեն հաջորդ ամսին:
med.news.am
