Տպել
Բոլոր ամենահետաքրքիր նորությունները Apple-ի վերջին ներկայացումից:
iOS 14
- iPhone-ում այժմ առկա են աշխատասեղանի համար նախատեսված վիդջետներ, որոնք ներկայացված են տարբեր չափսերով: Սրանցով iOS-ը սկսեց նմանվել Android-ին, ինչը շատ կատակների առիթ է դարձել համացանցում։
- Համակարգում ևս մեկ կարևոր նորամուծություն է հավելվածները ցուցակի կամ տեսակավորված թղթապանակների տեսքով ցուցադրելու հնարավորությունը: Թղթապանակներն իրենք կարող են ստեղծվել ինքնաբերաբար կամ ձեր կողմից։
- Մեկ այլ կարևոր հայտարարություն է «նկարը նկարում» գործառույթը: Այն թույլ է տալիս ցուցադրել վիդեո նվագարկիչն այլ հավելվածների վերևում, որպեսզի անեք ձեր գործը և միաժամանակ դիտեք ձեր սիրելի սերիալը։
- App Clips-ը ևս մեկ հետաքրքիր նորամուծություն է, որը թույլ է տալիս անհապաղ գործարկել հավելվածների սեղմված տարբերակները: Գործառույթը նման է Android-ի Instant Apps-ին։
- Siri-ն,վերջապես, ամբողջովին չի արգելափակի էկրանը, այլ կհայտնվի էկրանի ներքևի մասում: Բացի այդ, այն այժմ կարող է ուղարկել ձայնային հաղորդագրություններ:
Կարևոր է նաև, որ զանգերը ևս չեն փակի ամբողջ էկրանը, այլ կցուցադրվեն միայն էկրանի վերևի մասում։
- Եվ մեկ այլ հետաքրքիր նորամուծություն ներկառուցված համակարգի թարգմանիչն է: Սկզբում հայտարարվել է 11 լեզուների աջակցություն։ Հայերենը առայժմ ներառված չէ։
iPadOS 14
- Վիդջետները հայտնվեցին նաև iPadOS-ում, բայց նոր կողային ժապավենը շատ ավելի հետաքրքիր է: Խոսքը կողմնակի ցանկի մասին է, որը պետք է պարզեցնի աշխատանքը շատ ստանդարտ Apple հավելվածների հետ:
- Apple-ը նաև վերափոխել է որոնումը iPad-ում: Այժմ այն կարծես համընդհանուր Spotlight է և կարողանում է համացանցում որոնել կոնտակտներ, ծրագրեր և տեղեկատվություն:
- Հավասարապես կարևոր նորամուծությունն է բրաուզերը և էլփոստը փոխելու հնարավորությունը: Կարող եք օգտագործել անալոգներ Google-ի և այլ ընկերությունների կողմից:
- Ընդլայնվել են նաև Apple Pencil-ի հետ փոխգործակցության հնարավորությունները: Նոր Scribble գործառույթի միջոցով հնարավոր կլինի բառեր գրել ոչ միայն գրառումների և տեքստի խմբագրիչների, այլև ուղղակիորեն որոնման մեջ` համակարգը կհասկանա ամեն ինչ:
- Նշենք նաև ծանուցումները մուտքային զանգերի համար: Այս հատկությունը օգտակար կլինի բոլորի համար, ովքեր iPad-ում երկար ժամանակ աշխատում են՝ մոռանալով սմարթֆոնի մասին:
watchOS 7
- WatchOS 7-ում կան ավելի շատ տարբերակներ` հավաքագրումները հարմարեցնելու և դրանք հղումով կամ նույնիսկ AppStore-ի միջոցով փոխանցելու համար:
- Հայտնվել է նաև ավելի քան ակտուալ գործառույթ։ Ժամացույցը կարող է վերահսկել, թե որքան հաճախ և որքան որակով եք լվանում ձեռքերը։
- Վերջապես հայտնվեց քնի որակը վերահսկելու գործիք: Դա ձեզ հնարավորություն կտա ստանալ մանրամասն վիճակագրություն և առաջարկություններ:
macOS Big Sur
- MacOS 10.16-ում թարմացվել են հավելվածների պատկերները և ավելացվել է հարմար նավիգացիա՝ վերաձևակերպված կողային գծերով, որն այժմ կարող է ցուցադրել ավելի օգտակար տվյալներ:
- Mac-ում «հաղորդագրությունները» դարձել են iOS հավելվածի ուղղակի շարունակություն, որը դրսևորվում է՝ ինչպես դիզայնի, այնպես էլ՝ ֆունկցիոնալության մեջ:
- Safari բրաուզերը նույնպես թարմացվեց. այն արագացավ, ստացավ ներկառուցված թարգմանիչ, գաղտնիության նոր պարամետրեր և էջերի նախադիտումները ցուցադրելու հնարավորություն։
Apple Silicon
- WWDC-ում Apple-ը ներկայացրեց Mac-ի առաջին ներքին պրոցեսորը: Բոլոր ստանդարտ ծրագրերը և որոշ գործընկեր ծառայություններ արդեն հարմարեցված են դրա համար: Բացի այդ, այն թույլ է տալիս գործարկել ծրագրեր iOS-ի և iPadOS-ի համար:
AirPods Pro-ի թարմացումը
- AirPods Pro-ը կստանա եռաչափ ձայնի աջակցություն 5.1 ձևաչափով և օգտագործված սարքերի միջև ինքնուրույն անցման հնարավորություն:
Նոր սերիալ՝«Հիմնադրում»
20․Մի շարք ծրագրերից բացի, ընկերությունը ներկայացրել է նաև նոր սերիալ՝ «Հիմնադրում»։ Սերիալը հիմնված է Այզեկ Ազիմովի վեպերի վրա։ Այն շատ խոստումնալից է, և, ըստ մասնագետների, կարող է դառնալ նոր ֆանտաստիկ շարք։
Սիրարփի Աղաբաբյան
