Տպել
Ինչ և ինչպես հեռացնել, որպեսզի հետագայում չզղջաք:
Ծրագրերը, լուսանկարները և համակարգային ֆայլերը անընդհատ շատանում են: Եթե դուք օգտագործում եք հին Android սմարթֆոն կամ նույնիսկ նոր, բայց բյուդջետային գների սեգմենտում, ապա հեշտությամբ կարող եք ունենալ հիշողության խնդիր։ Ահա, թե ինչ կարող եք անել այս խնդիրը շտկելու համար:
Ջնջեք ավելորդ հավելվածները
Սովորաբար, առավել օգտագործվող ծրագրերը սոցիալական մեդիա հարթակներն ու ակնթարթային մեսենջերներն են, փոստը, բրաուզերները և մի քանի օգնական ծառայություններ: Այնուամենայնիվ, ձեր սմարթֆոնի հիշողության մեջ հավանաբար կան մի քանի ծրագրեր, որոնք գործնականում չեք օգտագործում: Դա կարող է լինել եղանակի տեսության ծառայությունը, լուսանկարների խմբագիրները կամ երկար մոռացված խաղը. դրանք կարող են լինել բավականին ծանր:
Android-ի պարամետրերում կարող եք ստուգել, թե որքան տեղ է գրավում յուրաքանչյուր հավելված: Բացեք «Հիշողություն» կամ «Պահեստավորում» բաժինը, անցեք հավելվածների ցանկ և տեսակավորեք հավելվածները ըստ չափի: Այսպիսով, դուք կարող եք տեսնել բոլոր ծանր հավելվածները։
Ջնջեք հավելվածների հիշողությունը (քեշ)
Ծրագրերի ցանկը տեսակավորելիս կարող եք նաև տեսնել, թե որքան հիշողություն են պարունակում ձեր նախընտրած մեսենջերներն ու սոցիալական ցանցերը: Նման ծրագրերը կարող են ամբողջությամբ «ուտել» սմարթֆոնի ամբողջ հիշողությունը, քանի որ դրանք միշտ կարող են բեռնել մեդիա ֆայլերը զրուցարաններից: Այնուամենայնիվ, սա շքեղությունը կարող է լինել նվազագույն քանակությամբ ներքին հիշողություն ունեցող սմարթֆոնների համար:
Հավելվածների տվյալները կարող եք ուղղակիորեն ջնջել «Հիշողություն» բաժնի հատուկ կետի միջոցով, որտեղ անհրաժեշտ է ընտրել հատուկ ծրագիր և մաքրել դրա քեշը: Telegram-ի համար, որտեղ դուք կարող եք ինքնուրույն ընտրել մեդիա ֆայլերի պահպանման ժամկետը, կա առանձին հրահանգ:
Մեսենջերներից բացի հիշողությունը կարող են խլել նաև երաժշտական հավելվածները, որոնք արխիվացնում են երգեր, քարտեզները և այլն։
Տեղափոխեք նկարները ամպային ծառայություններ
Ձեր լուսանկարները կարող են շատ հիշողություն խլել: Դրանք փոխանցեք ամպային պահեստներին, օրինակ՝ «Google Photos»-ին․ այս ծառայության միջոցով նկարները միշտ հասանելի կլինեն, երբ ինտերնետ կա, բայց դրանք չեն պահվի սմարթֆոնի մեջ։
Օգտվեք Google Files հավելվածից
Շատ ցածր գներով սմարթֆոններում Google Files ծրագիրը նախապես տեղադրված է: Այնուամենայնիվ, եթե այն չունեք ձեր սմարթֆոնում, ապա կարող եք անվճար ներբեռնել: Դրա հիմնական առավելությունը խելացի որոնումն է և ավելորդ ֆայլերի ճշգրիտ ջնջումը: Դրանք կարող են լինել հին ծրագրեր, դատարկ, անօգուտ ժամանակավոր ֆայլեր, կրկնօրինակներ կամ մի բան, որը երկար ժամանակ չեք օգտագործել:
Տեղափոխեք ֆայլերը հիշողության քարտի վրա
Այս հուշումը վերաբերում է միայն այն սմարթֆոններին, որոնք ունեն microSD քարտի բնիկ: Դրա վրա դուք կարող եք թողնել ոչ միայն վիդեո ֆայլեր կամ երաժշտություն, այլև ծանր ծրագրեր: Այս դեպքում քարտը կարող է աշխատել որպես ներքին պահեստավորման մաս: Դա անելու համար հարկավոր է գնալ կարգավորումներ, բացել հիշողության բաժինը, գնալ SD-քարտի մենյու և ֆորմատ անել այն։
Սիրարփի Աղաբաբյան
