«Ուշադիր եղեք, թե ինչ է ասում պարետը․․․ Ավելի լավ ինքնախոստովանական ցուցմունք տալ հնարավոր չէր…»

Գևորգ Պետրոսյանը ֆեյսբուքյան իր էջում գրում է․ «ԱԺ-ում արտակարգ դրությունը երկարաձգելու առթիվ գումարված հատուկ նիստում պարետն իր եզրափակիչ ելույթում բացոեց փակագծերը (ու բնավ ոչ իշխանության օգտին) և, ըստ էության, հաստատեց ընդդիմության տեսակետը:

Ուշադիր եղեք, թե ինչ է ասում պարետը։

Ասում է՝ «արտակարգ իրավիճակը չէ, որ Հայաստան տուրիստներ չեն գալիս, և արտակարգ դրությունը չէ պատճառը, որ մարդիկ զրկվել են աշխատանքից»…

Վերջ, ամեն ինչ ասված է: Ավելի լավ ինքնախոստովանական ցուցմունք տալ հնարավոր չէր…

Շատ ճիշտ է ասում պարոն պարետը:

Իսկապես, անկախ արտակարգ դրությունից, Հայաստան ոչ մի տուրիստ էլ չի գալու, և ոչ մի ներդրում չի արվելու…

Տուրիստը գիժ չէ, որ՝

– գա, դիմակ կրի, ուշագնաց լինի ու հիվանդանոցի մատերիալ դառնա,
– գա, դիմակ չդնելու համար տուգանվի, պառկացվի ասֆալտին, ծեծ ուտի ու տարվի ոստիկանություն։

Ներդրողը չի ցնորվել, որ՝
– գա, ներդրում անի, հաջորդ օրը Հարկայինը նստի վզին, տուգանի ու երկրից վտարի,
– դատավորներին գետնին տեսնելուց հետո գա ու անկախ դատարան ակնկալի:

Ճիշտ եք, պարոն պարետ։
Արտակարգ դրությունը հեչ կապ չունի մեր պետության անկման հետ…»։