Նիկոլի իշխանության մեջ դիլետանտիզը խրախուսվում է, իսկ մարդկային ճակատագրերը գրոշի արժեք չունեն

Հայաստանում այսօր սահմռկեցուցիչ դեպք է գրանցվել. ալկոհոլային թունավորումից մահացել է 11 մարդ, ևս 12-ը ծայրահեղ ծանր վիճակում են

Վերջին 30 տարում չեմ հիշում նման զանգվածային թունավորման մեկ այլ դեպք, այն էլ` ալկոհոլից։ Իսկ գիտե՞ք, թե սա ինչի հետևանք է։ Հետևանքն է այն բանի, որ Հայաստանի իշխանության բոլոր օղակները զբաղված են Նիկոլ Փաշինյանի քաղաքական հրահանգները կատարելով և նրա գահավիժող ռեյտինգը բարձրացնելու հուսահատ փորձերով։ Սա ուղիղ հետևանքն է այն բանի, որ Հայաստանի ժողովուրդը անտեր է։ Նույնպիսի անտեր, ինչպես համավարակի տարածման օրերին էր, երբ Նիկոլը հնարավորինս արագ յուրային ՍԴ ունենալու մոլուցքով տարված հանրահավքներ անելով` աղետի գոտու վերածեց երկիրը և դարձավ 1000-ից ավելի մարդկանց մահվան պատճառ։