Կառավարությունը պետք է վերանայի սպաների բնակարանային ծրագիրը

Ցանկացած կառավարության համար պետք է առաջնային լինի սպաների բնակարաններով ապահովելու, անհրաժեշտ պայմաններով ապահովելու հարցը, որովհետև երկրին նման ծառայություն մատուցած մարդիկ զինվորական կենսաթոշակի անցնելուց հետո էլ անհրաժեշտ են մեր երկրին՝ և՛ որպես տեսակ, և՛ էլ չեմ ասում՝ պահեստազորում գտնվող սպաներ, որոնք անհրաժեշտ պահին կրկին կարող են համալրել զինված ուժերի շարքերը։

Մյուս խնդիրը վերաբերում է պահեստազորի սպաներին, որոնց 20 և ավելի տարիների ծառայության դիմաց սերտիֆիկատներ տվեցին 4,5-5 մլն դրամի չափով, որով այդ մարդիկ ո՛չ բնակարանի խնդիր կարող են լուծել, ո՛չ էլ զինվորական թոշակառուի կարգավիճակում գտնվելով հիփոթեքային ծրագրից օգտվել։

Սպաների և նրանց ընտանիքներին վերաբերող հարցերը պետք է լինեն Կառավարության հոգածության առանցքում և այս տեսանկյունից, այս ու մի շարք այլ ծրագրերում, Կառավարությունը պետք է կտրուկ վերանայումներ իրականացնի։

Թեմայի վերաբերյալ մանրամասներն այստեղ՝ Կառավարությունը պետք է վերանայի սպաների բնակարանային ծրագիրը․ Տիգրան Աբրահամյան