Տպել
Իսրայելը պատրաստվում է ամբողջական կարանտինի երկրորդ փուլին՝ խիստ սահմանափակումներով:
#Իսրայելի կառավարությանն անցած 2 ամիսների ընթացքում այդպես էլ չհաջողվեց զսպել նոր #կորոնավիրուսի երկրորդ ալիքի ահագնացող ծավալները. չափավոր սահմանափակումներով տարաբնույթ մարտավարական մոտեցումները չկարողացան կանխել համաճարակի տարածումը:
Վերջին օրերին Իսրայելում նոր վարակակիրների թիվն անցնում է այդ երկրի համար ռեկորդային 4000 թիվը(վարակակիրների ընդհանուր թիվը մոտ 145 000, մահացածներինը՝ շուրջ 1100):
Նման պայմաններում, հատկապես երկրում սպասվող Հրեական ամանորին(Ռոշ Հաշանա) ընդառաջ՝ իշխանությունները դիտարկում են խիստ կարանտին սահմանելու հնարավորությունը, որի շուրջ վերջնական որոշում կկայացվի ընթացիկ շաբաթվա ավարտին:
Ենթադրվում է, որ կարանտինը լինելու է 2 երկշաբաթյա փուլերով, առաջինը՝ համեմատաբար խիստ սահմանափակումներով՝ ընդհուպ մինչև մարդկանց տեղաշարժի հետ կապված: Հարաբերական արդյունավետության պարագայում երկրորդ երկշաբաթյա ժամանակահատվածում կմշակվեն սահամանափակումների աստիճանական չեղարկման հնարավոև սցենարները:
Արևելագետ Արմեն Պետրոսյանի ֆեյսբուքյան էջից:
