Տպել
Հարգելի մտավորականներ,
Ի՞նչ եք ուզում Արայիկ Հարությունյանից: Ինչո՞ւ եք լռում: Չգիտե՞ք, որ կրթության ոլորտում կատարվող այլանդակությունների գլխավոր հեղինակն ու պատասխանատուն Նիկոլ Փաշինյանն է: Դուք բոլորից լավ գիտեք, որ ինչպես անհատն է փորձում իր երեխային դաստիարակել է իր պատկերացումներին ու դավանած արժեքներին համահունչ, այնպես էլ պետությունն է կրթական չափորոշիչներով փորձում դպրոցի միջոցով մարդ և քաղաքացի դաստիարակել: Դուք շատ լավ գիտեք, որ խնդիրը Արայիկ Հարությունյանը չէ, խնդիրը Նիկոլ Փաշինյանն է` իր ստանձնած պարտավորություններով, որ կրթական համակարգի միջոցով փորձում է իր տեսակը վերարտադրել: Անսկզբունք, անկիրթ, անգրագետ, պոռոտախոս, ցինիկ ու ստախոս տեսակը: Ասենք ու Արայիկ Հարությունյանը հրաժարական տվեց, և ի՞նչ: Ձեզ համար առանձնապես ի՞նչ տարբերություն, թե այդ սենյակում ով է նստելու: Դրանից իրողությունները փոխվելո՞ւ են: Ուզո՞ւմ եք այս այլանդակության վերջը տալ, ուզո՞ւմ եք խնդիրը լուծել` իրերն անվանեք իրենց անուններով ու պետության ղեկից հեռացրեք Նիկոլ Փաշինյանին:
Միհրան Հակոբյանի ֆեյսբուքյան էջից
