Մարտունի գյուղի տարածքում քարաթափումից մաքրվում է միակողմանի երթեւեկելի դարձած ճանապարհը
Advertisement 1000 x 90

Մարտունի գյուղի տարածքում քարաթափումից մաքրվում է միակողմանի երթեւեկելի դարձած ճանապարհը

Գեղարքունիքի մարզի Մարտունի գյուղի վարչական տարածքում  քարաթափումից մաքրվում է Ճամբարակ-Դպրաբակ միջպետական նշանակության ավտոճանապարհի 14-րդ կիլոմետրի վրա միակողմանի երթևեկելի դարձած ճանապարհը: Ինչպես տեղեկացրեց մաքրման աշխատանքներն իրականացնող «Ճամբարակի ՃՇՇՁ» ԲԲԸ տնօրեն Արարատ  Քոչարյանը, նշյալ ճանապարհահատվածում քարաթափումը տեղի էր ունեցել այս տարվա մայիս ամսի ընթացքում, առատ տեղումների հետևանքով, և շարունակվել հետագա ամիսներին: Ճանապարհաշինարարները ժամանակին մաքրել են քարաթափումները, սակայն հետագա ժայռային  փլվածքները կրկին միջպետական նշանակության ճանապարհը դարձրել են միակողմանի երթևեկելի:

Ճանապարհի լիարժեք երթևեկությունն ապահովելու և քարաթափումը մաքրելու համար պետական բյուջեի միջոցներից հատկացվել է 17 միլիոն 100 հազար դրամ: Մաքրման վերջին փուլի աշխատանքները սկսվել և ընթանում են դեկտեմբերի սկզբներից: