Պետրոսյան եղբայրների ընկերությունը Նյու Յորքում…

Պատմաբան Ռուբեն Շուխյանը ներկայացնում է.

«Հայտնի է, որ դարեր շարունակ հայկական անկախ պետականության բացակայության պայմաններում հայերը ներդնում էին իրենց առևտրական և գործարարական ունակությունները օտար ափերում:

Ահա մի փաստ ևս. Նյու Յորքում ծխախոտի վերամշակման և արտադրման առաջին ընկերություններից մեկը, որը կոչվել է «O. Bedrossian’s Tobaccos & Cigarettes Co», հիմնադրել են 1868 թվականին՝ Օսմանյան Թուրքիայից Ամերիկա տեղափոխված Պետրոսյան եղբայրները: Նրանք ստանում էին ծխախոտի արևելյան բուրմունքով յուրահատուկ փունջ, որպես խառնուրդ օգտագործելով տեղական՝ Վիրջինիայի և Օսմանյան Թուրքիայից ներկրված թութունի տեսակները»: