Ներկայացվել է գերձայնային ուղևորատար ինքնաթիռի դիզայնը

Virgin Galactic ընկերությունը ներկայացրել է գերձայնային ուղևորատար ինքնաթիռի դիզայնը: Այդ մասին հայտնում է Sky News-ը:

Virgin Galactic-ը, որը պատկանում է բրիտանացի միլիարդատեր Ռիչարդ Բրենսոնին, ցույց է տվել իր նոր նախագիծը:

Ինքնաթիռը կարող է ժամում զարգացնել մինչև 3.700 կմ արագություն:

Այսպիսով, ինքնաթիռն ընդամենը 5 ժամում կարող է Լոնդոնից հասնել Սիդնեյ: Այս երթուղին սովորաբար տևում է գրեթե մեկ օր: Լոնդոնից Նյու Յորք ինքնաթիռը կհասնի 2 ժամում:

Virgin Galacticի նոր ինքնաթիռը կարող է թռչել 18.300 մետր բարձրության վրա և տեղափոխել 9-19 ուղևոր:

Ինքնաթիռի դիզայնը Virgin Galactic-ը մշակել է Rolls-Royce-ի հետ համատեղ: Ընկերությունը նաև արտադրելու է ինքնաթիռի շարժիչները:

Պատրաստեց Անի Գաբուզյանը