Տպել
ՀՀ֊ վարչապետ Ն. Փաշինյան.
- Ձեր այսօրվա ելույթով դուք միայն ոգևորեցիք մեր թշնամիներին։ Եթե նույնիսկ Հայաստանում կան դասալիքներ, դուք իրավունք չունեք դա դարձնել ձեր ելույթի հիմնական առարկան։ Հայ զինվորից այսօր խոսում է ամբողջ աշխարհը, իսկ դուք մեկ ժամ փորձում էիք վարկաբեկել հայ երիտասարդին, հայ զինվորին։ Մտածեք ինչ եք խոսում, Հայաստանը պատերազմում է այսօր, դուք պատերազմող երկրի առաջնորդն եք։ Ձեզ պահեք որպես հայ զինվորին արժանի հրամանատար։
- Ձեր ելույթում նշեցիք, որ ձեր նպատակն է, որպեսզի ժողովուրդը տեղյակ լինի ամեն մանրուքից։ Այդ դեպքում բացատրեք հասկանանք` ինչ փոխզիջումների մասին է խոսքը, երբ ասում եք, որ Հայաստանը նույնիսկ պատրաստ է ցավալի փոխզիջումների։
- Մի փորձեք ներկայիս իրավիճակի պատասխանատվությունը բարդել բժշկի, ինժեների, դասալիքի, կամ ինչ որ մեկի վրա։ Ներկայիս իրավիճակի մեղավորները Հայաստանի նախորդ երեք նախագահներն են և անձամբ դուք։ Ժողովուրդը ձեզ` բոլոր մեղավորներին մի կողմ է դրել, միավորվել և դուրս եկել պայքարի։ Փոխարենը` դուք մեղավորներ եք փնտրում ժողովրդի միջից։ Թշնամի և դաշնակից պետությունների լրատվականները արդեն հայ «դեզերտիրից» են խոսում։ Դուք հասկանու՞մ եք գոնե ինչ արեցիք։ Օրինակ վերցեք ժողովրդից գոնե այս օրհասական պահին։
- Դեռ չհասկացա՞ք, որ սա զինվորի կռիվ չէ։ Դուք հիմա 24 ժամ պետք է չքնեք և զինեք բանակը։ Սա զենքի կռիվ է։ Ոչ թե զինվոր է պետք փնտրել, այլ զենք։ Անհրաժեշտ բոլոր ռեսուրսները կգտնենք։ Որքան դրամ անհրաժեշտ է կհավաքենք։ Քիչ խոսացեք, գործ արեք
- Հաղթանակի գրավականը թշնամու քիթ մռութը վերջնականապես ջարդելն է։ Հրթիռակոծել է պետք ամենը։ Այլևս չկան ոչ մի օրենքներ։ Պատերազմ է, իր բոլոր գրված և չգրված օրենքներով։
- ՄԻԱԿ պատասխանատուն այսօր դուք եք, որովհետև դուք եք գերագույն հրամանատարը։ Այլևս չփորձեք մեղավորներ փնտրել։
