Խուճապ առաջացնող, պատերազմող երկրում պարտվողական տրամադրություններ սերմանող բոլորը` անկախ զբաղեցրած պաշտոնից, պետք է պատժվեն օրենքի ողջ խստությամբ. Վարդգես Օվյան

Արցախյան առաջին պատերազմի ժամանակ մեզ մոտ ստեղծվել էր Պաշտպանության պետական կոմիտե, որը կոորդինացնում էր պատերազմող մեր երկրի գործողությունները։ Արդեն մի ամիս է Հայաստանը դաժան պատերազմի մեջ է ներքաշված։ Ինչու՞ առայսօր չի ստեղծվել իրավասու անձանցից` հանրության կողմից ՀԱՐԳՎԱԾ մարդկանցից կազմված նման մարմին, որն իր վրա վերցնի պատերազմող երկրի հասարակական-քաղաքական կյանքի բոլոր գործառույթները։ Հարգված-ը պատահական չեմ ընդգծել, դա պարտադիր է։

Պետք է օր առաջ ազատվել ստեղծված բարձիթողի վիճակից։ Հայաստանը ինչ-որ մեկի կամ ոմանց պապենական սեփականություն-բոստանը չէ։ Խուճապ առաջացնող, պատերազմող երկրում պարտվողական տրամադրություններ սերմանող բոլորը` անկախ զբաղեցրած պաշտոնից, պետք է պատժվեն օրենքի ողջ խստությամբ։

Վարդգես Օվյանի ֆեյսբուքյան գրառումը